वि.स. २०४३ चैत्र ११ गते सङ्खुवासभा जिल्लाको धुपू – ५, भोगटेनीमा जन्मिएकी चन्द्रा चाम्लिङका प्रकाशित कृति ‘प्रेमको तस्बिर’ (गजल सङ्ग्रह, २०७५) रहेका छन् ।
विश्व नेपाली साहित्य महासंघ नेपाल, किरात राई चाम्लिङ खाम्बातिम, काठमाडौं, किराँत उत्थान समाज झापा, मेची साहित्यिक मञ्च संथापक आदिजस्ता सामाजिक सङ्घ संस्थामा आवद्ध चन्द्रा चम्लिङ गीतकार संघ नेपालको वर्तमान कार्य समितिको सदस्य हुनुहुन्छ । उहाको यो दोस्रो कार्यकाल हो । गीत रचनामा निरन्तर कलम चलाई रहेकी चाम्लिङको संख्यात्मक रुपमा थोरै संख्यामा गीतहरु रेकर्ड भएका छन् । उहाँ विश्वव्यापी अनलाइन देशभक्ति गीत लेखन प्रतियोगिता २०६९, कविता प्रतियोगिता (पद्मकन्या कलेज, २०७०) बाट समेत पुरस्कृत हुनुहुन्छ ।
